სამეფო ოჯახმა პრინცი ლუისი მონათლა.

სა­მე­ფო ოჯა­ხის ყვე­ლა­ზე უმ­ცრო­სი წევ­რის ნათ­ლო­ბა წმინ­და ჯე­იმ­სის სა­ხე­ლო­ბის ეკ­ლე­სი­ა­ში შედ­გა. მას 6 ნათლია ჰყავს, ისინი პრინცი უილიამისა და ქეით მიდლტონის მეგობრები არიან.

ცერემონიას სამეფო ოჯახის მხოლოდ ძალიან ახლობლები ესწრებოდნენ. ყველაზე საინტერესო სტუმრები პატარა ლუისის უფროსი და-ძმა 4 წლის ჯორჯი და 3 წლის შარლოტა იყვნენ. ცერემონიას ესწრებოდნენ სასექსის ჰერცოგი პრინცი უილიამი და ჰერცოგინია მეგან მარკლიც.

პრინცს, რომელიც 23 აპრილს დაიბადა, სახელი ბაბუის , პრინცი ჩარლზის და დიდი ბაბუის ფილიპის ბიძის ლუის მაუნტბეტენის პატივსაცემად დაარქვეს , რომელიც 1979 წელს ირლანდიაში PIRA-ს ტერორისტებმა მოკლეს.

პრინცი ლუის არტურ ჩარლზი კემბრიჯის ჰერცოგისა და ჰერცოგინიას მესამე შვილია, პრინცი ჯორჯისა და პრინცესა შარლოტას უმცროსი ძმა, გაერთიანებული სამეფოს დედოფლის და ედინბურგის ჰერცოგის მეექვსე შვილთაშვილი.