საპარლამენტო უმრავლესობის ლიდერის არჩილ თალაკვაძის განცხადებით, "ნურავინ ელოდება, რომ „ქართული ოცნება“ და ჩვენი გუნდი მის მიმართ ისეთ განცხადებებს გააკეთებს, როგორიც „ნაციონალურ მოძრაობასა“ და რომელიმე ვიწროპარტიულ დაჯგუფებას გაუხარდებათ".

„თეა წულუკიანთან დაკავშირებით ჩვენს თანაგუნდელებს კითხვა არაერთხელ დაუსვეს და მინდა, მკაფიო განცხადება გავაკეთო. თეა წულუკიანი ჩვენი თანაგუნდელი, „ქართული ოცნების“ გუნდის წევრია. ნურავინ ელოდება, რომ „ქართული ოცნება“ და ჩვენი გუნდი მის მიმართ ისეთ განცხადებებს გააკეთებს, როგორიც „ნაციონალურ მოძრაობასა“ და რომელიმე ვიწროპარტიულ დაჯგუფებას გაუხარდებათ, რომელთაც მასთან პირადი ანგარიში აქვთ და სურთ, ეს ანგარიში დღეს როგორმე გაათანაბრონ. ეს ვერ მოხდება“, - განაცხადა თალაკვაძემ.