"მე უბრალოდ მინდა გითხრათ ის, რომ თქვენი როლი არჩევნების წინა პერიოდში იყო შეუცვლელი იმიტომ, რომ თქვენ იყავით ფაქტობრივი დაცვა პოლიციის და ადგილობრივი ხელისუფლების ტერორისგან.

იმიტომ, რომ თქვენ იყავით ყველგან სადაც არ ყოფილა მანამდე კამერა და თქვენ მუშაობდით სხვადასხვა საფრთხეების პირობებში. დღეს როდესაც ეს საფრთხეები აღარ არის, თქვენ ხართ ისევე როგორც არიან სხვები და მე რაიმე განსაკუთრებულს ვერ ვხედავ. კლასიკური განმარტებით, "ინფო 9" და "მეცხრე არხი" არც იყო ჩემთვის მედია, იმიტომ, რომ თქვენ იყავით ადამიანები რომლებიც იცავდით ადამიანების უფლებებს სახელმწიფოს ხელყოფისგან. ეს იყო ჩემს თვალში თქვენი ფუნქცია. რომელიც ახლა აღარ გაქვთ, იმიტომ, რომ სიტუაცია არის შეცვლილი და აღარ არის ასეთი ფუნქცია საერთოდ საჭირო.

ანთაძის განმარტებითვე, "მეცხრე არხს" და "ინფო 9-ს" როგორც მედიასაშუალებას არ აღიქვამს, თუმცა არჩევნების წინ სხვაგვარად ფიქრობდა, "არჩევნების წინ თქვენი როლი ჩემთვის იყო უფრო მეტი, ვიდრე რომელიმე უბრალო მედიასაშუალების", განუცხადა ანთაძემ "ინფო 9-ს" ჟურნალისტს.

სააგენტო "ინფო 9-ის" ჟურნალისტის კითხვაზე, აქვს თუ არა ნანახი ამ საინფორმაციო სააგენტოს სიუჟეტები, ანთაძემ აღნიშნა, რომ ისინი არ უნახავს.