არასამთავრობო ორგანიზაცია „საერთაშორისო გამჭვირვალობა - საქართველოს“ სკანდალურ კვლევას, რომელიც სასამართლო სისტემაში არსებულ ვითარებას ეხება, დღეს იუსტიციის უმაღლესი საბჭოს სხდომაზე განიხილავენ.

საბჭოს არამოსამართლე წევრების განცხადებით, სამოქალაქო სექტორის შენიშვნები მართებულია, თუმცა იმედი არ აქვთ, რომ მოსამართლე წევრები ამ საკითხთან დაკავშირებით, ობიექტურები იქნებიან.

„როდესაც საკითხი დგება, რომ არსებობს კორუფციის რისკები სასამართლო სისტემაში და ამაზე მზადდება ანგარიში, ეს უკვე არის საგანგაშო. არ მაქვს მოლოდინი, რომ ისინი იქნებიან თვითკრიტიკულები, არ მაქვს მოლოდინი, რომ ისინი ადეკვატურად შეაფასებენ იმ გადაჭარბებულ ძალაუფლებას, რომელიც მათ აქვთ,“-აცხადებს საქართველოს იუსტიციის უმაღლესი საბჭოს წევრი ნაზი ჯანეზაშვილი.