გიორგი ვაშაძემ კიოლნის უნივერსიტეტში გამართულ ფორუმის მონაწილეებს სიტყვით მიმართა

პოლიტიკა - 19:36, 07 Jul, 2018

933

„ინოვაციებისა და გავითარების ფონდის" დამფუძნებელი, კიოლნის უნივერსიტეტში გამართულ ანტიკორუფციულ ფორუმს დაესწრო. გიორგი ვაშაძემ შეკრებილებს სიტყვით მიმართა და პანელურ დისკუსიაში მიიღო მონაწილეობა.

„ვისაუბრეთ ახალი თაობის მექანიზმებზე კორუფციის წინააღმდეგ ბრძოლაში. მათ შორის ყურადღება გამახვილდა უკრაინულ გამოცდილებაზე, იმ პროექტებთან მიმართებაში, რომელიც ჩვენი ფონდის ექსპერტებთან ერთად შევიმუშვეთ. ესენია ანტიკორუფციული ბიურო და ანტიკორუფციული სასამართლო.

სიტყვით გამოსვლისას, წარვადგინეთ რამდენიმე მნიშვნელოვანი ინიციატივა. ვისაუბრეთ, დამოუკიდებელი სამოქალაქო საგამოძიებო ინსტიტუციუების შექმნის მექანიზმზე, რომელიც არის სრულიად ინოვაციური. განსაკუთრებული დაინტერესება გამოიწვია უკრაინაში გატარებულმა რეფორმებმა კორუფციის წინააღმდეგ ბრძოლაში. ამაში კი დიდი წვლილი შეიტანა "IDF" ის მიერ შემუშვებულმა კანონმა ანტიკორუფციული სასამართლოს შესახებ.

განსახილველ საკითხებს შორის, იყო ასევე უკრაინის დემოკრატიისკენ მიმავალ გზაზე წინგადადგმული ნაბიჯები, საბაზრო ეკონომიკა, საბანკო და ენერგო სექტორში განხორციელებული მნიშველოვანი რეფორმები"- განაცხადა გიორგი ვაშაძემ.

ღონისძეიბა ლიბერალური მოდერნისტული ცენტრის, Lew Kopelew Forum- ისა და კიოლნის უნივერსიტეტის ორგანიზებული იყო. მას ესწრებოდნენ სპიკერები მსოფლიოს რამდენიმე ქვეყნიდან, მათ შორის უკრაინის ანტი კორუფციული ბიუროს დირექტორი, არტემ სინტიკი, გერმანიის ლიბერალური მოდერნისტული ცენტრის დამფუძნებელი მარიელიუს ბექი, ევროპაში უკრაინის მზარდამჭერთა ჯგუფის ხელმძღვანელი კატია ლენზინგი და სხვები.