"უღირსი საქციელი დეპუტატის მხრიდან, რომელიც ვერ აკონტროლებს თავს"- ბესელია ხოშტარიას აკრიტიკებს

პოლიტიკა - 15:39, 07 Jul, 2018

1056

ელენე ხოშტარიას განცხადებას, იმასთან დაკავშირებით, რომ მმართველი გუნდის წარმომადგენლებს საგამოძიებო კომისიის სხდომის ჩაშლის მცდელობა აქვთ, ეკა ბესელიამ უპასუხა. ბესელიას თქმით, ხოშტარიას საქციელი და განცხადებები შეუფერებელია დეპუტატისთვის:

„ახლა რაც ხდება, ქალბატონი ხოშტარიასა და სხვათა მხრიდან, ეს არის აბსოლუტურად შეუფერებელი, უღირსი საქციელი დეპუტატის მხრიდან, რომელიც ვერ აკონტროლებს თავს, გადადის პერსონალურ შეურაცხყოფებზე, პერსონალურ შეურაცხყოფას აყენებს კომისიის წევრებს, მოწვეულ პირებს. მე მგონია, რომ ამ ადამიანებს უბრალოდ გაცნობიერებული არ აქვთ, რა მანდატი აქვთ, რა უფლებამოვალეობა აქვს ჯერ როგორც დეპუტატს და შემდეგ, როგორც ამ კომისიის წევრს. ისინი აბსოლუტურად უპასუხისმგებლო, კანონისადმი უპატივცემულოდ განწყობილი ადამიანები და ამ კომისიას „ევროპულმა საქართველომ“ მართლაც დაუკარგა ის ძალიან მნიშვნელოვანი მანდატი, რისთვისაც ის შეიქმნა.“ - განაცხადა ეკა ბესელიამ.

შეგახსენებთ, დღეს კომისიის სხდომაზე მომხდარი სიტყვიერი დაპირისპირების დროს ელენე ხოშტარიამ გაანცხადა, რომ კომისიის სხდომაზე როცა შსს-ს წარმომადგენლებს კითხვებზე პასუხები არ აქვთ უმრავლესობის წევრები კომისიის მუშაობის ჩაშლას ცდილობენ.