მექსიკაში ფოერვერკების ფაბრიკაში მომხდარი აფეთქების შედეგად 24 ადამიანი დაიღუპა, 49 კი დაშავდა, ამის შესახებ El Universal-ი იტყობინება. 17 ადამიანი ადგილზევე დაიღუპა, ხოლო 7 მიღებული ტრავმებისგან საავადმყოფოში გარდაიცვალა. დაღუპულთა შორის ერთი ბავშვია. ინციდენტთან დაკავშირებით გამოძიებას მექსიკის მთავარი პროკურატურა აწარმოებს.

აფეთქება ქალაქ ტულტეპეკში მოხდა, რომელსაც ფოერვერკების დედაქალაქს უწოდებენ, რადგან აქ უკვე ძალიან დიდი ხანია პიროტექნიკას აწარმოებენ. ქალაქში ფართოდ გავრცლებულია ფოერვერკების არალეგალური წარმოება, ქალაქსი 700 მდე უკანონო ფაბრიკა და ლაბორატორიაა, მაშინ როდესაც ლიცენზიით მხოლოდ 585 მუშაობს.