იაპონიაში სექტა „აუმ სინრიკეს“ ანუ „აუმისჭეშმარიტების სწავლების“ დამაარსებელი, სიოკო ასაჰარუ , იგივე ტიდზუო მაცუმოტო სიკვდილით დასაჯეს. მაცუმოტოსთან ერთად დასაჯეს მისი მომხრეებიც, კიოჰიდე ჰაიაკავა, ტომომასა ნაკაგავა და ესიჰირო ინოუე. ინფორმაციას ამის შესახებ იაპონური მედია, საკუთარ წყაროზე დაყრდნობით ავრცელებს.

მაცუმოტო 63 წლის იყო. ათწლეულების წინ, სასამართლომ მას ბრალი წაუყენა 1995 წლის მარტში ტოკიოს მეტროში განხორციელებული თავდასხმის გამო. მაშინ „აუმ სინრიკემ“ მეტროში ნერვული აგენტი, ზარინი გაუშვა. შედეგად 13 ადამიანი დაიღუპა, 6 ათასზე მეტი კი დაშავდა, მაცუმოტო 2 თვის შემდეგ „აუმ სინრიკეს“ სარდაფში გასაიდუმლოებულ ოთახში იპოვეს.

მაცუმოტომ განაცხადა, რომ თავისი მხარდამჭერებისთვის მეტროზე თავდასხმა არ უბრძანებია, თუმცა ტოკიოს სასამართლომ 2004 წელს მას სიკვდილით დასჯის განაჩენი გამოუტანა, სააპელაციო ინსტანციამ კი 2006 წელს ეს გაანჩენი ძალაში დატოვა. „აუმ სინრიკეს“ წევრების საქმეზე გამოძიება 20 წელზე მეტი მიმდინარეობდა, დამნაშავედ ცნეს 200-მდე ადამიანი, 13 მათგანს კი სიკვდილით დასჯა მიუსაჯეს. სხვადასხვა მიზეზების გამო ტიდზუო მაცუმოტო განაჩენი 2012 წლის შემდეგ რამდენჯერმე გადაიდო. 6 იანვარს კი იაპონიამ ის სისრულეში მოიყვანა. იგივე განაჩენს ახლა სექტის კიდევ 6 წევრი ელოდება.

უკანასკნელი რამდენიმე წელი მაცუმოტო ოჯახის წევრებთან და ადვოკატებთან შეხვედრაზე უარს აცხადებდა