საგანგებო სიტუაციების მართვის სამსახურის უფროსი გიორგი მღებრიშვილი სვანეთში, სტიქიის ზონაში იმყოფება. როგორც მღებრიშვილმა რამდენიმე წუთის წინ განაცხადა, ამ ეტაპზე მოსახლეობას საფრთხე არ ემუქრება და არც რაიმე დაგუბების მსგავსი აღინიშნება მდინარე ნენსკრას კალაპოტში:

„გუშინდელთან შედარებით დაიკლო წყლის დონემ. შემოფრენა მოვახდინეთ, დღეს უნდა დავიგეგმოთ კონკრეტულ სამუშაოებზე. არავითარი დაგუბება არ არის, მსგავსი საფრთხე არ არსებობს, არც გუშინ იყო და არც დღეს არის, პრევენციულ ღონისძიებებს გავატარებთ, თუ სადმე საჭირო იქნება ევაკუაცია, მოვახდენთ ევაკუაციას. შეიძლება ითქვას, რომ მოსახლეობა უსაფრთხოდ არის, მთავარია პირველ ეტაპზე მსხვერპლი არ გვაქვს და მოვახდინეთ დროული რეაგირება“, - განაცხადა გიორგი მღებრიშვილმა.