უმაღლესი თანამდებობის პირები ქრებიან უცებ თანამდებობიდან ისე, რომ ქართულ საზოგადოებას ღირსადაც არავინ არ თვლის აუხსნას

უმაღლესი თანამდებობის პირები ქრებიან უცებ თანამდებობიდან ისე, რომ ქართულ საზოგადოებას ღირსადაც არავინ არ თვლის აუხსნას - ჩიხრაძე

პოლიტიკა - 18:18, 04 Jul, 2018

802

საქართველოს პრეზიდენტის პოლიტიკური მდივანი ფიქრია ჩიხრაძე აჭარის მთავრობის მეთაურის გადადგომას ეხმაურება და პატარიძესა და მმართველ გუნდს შესაბამისი ახსნა-განმარტებების გაკეთებისაკენ მოუწოდებს.

,,რატომ შეიძლება წასულიყო პატარიძე ამის თაობაზე ახსნა ჩვენ უნდა მოვისმინოთ ან თავად ბატონი პატარიძისგან, ან მმართველი გუნდისგან და ეს ახსნა უნდა იყოს ძალიან მკაფიო.

ბოლო პერიოდში, ვხედავთ, რომ უმაღლესი თანამდებობის პირები ქრებიან უცებ თანამდებობიდან ისე, რომ ქართულ საზოგადოებას ღირსადაც არავინ არ თვლის აუხსნას, არგუმენტაცია უთხრას, საქმის კურსში ჩააყენოს - რის გამო მიიღება ასეთი მნიშვნელოვანი გადაწვეტილებები.

ჩვენ ვნახეთ პრემიერმინისტრის განცხადება გადადგომის თაობაზე და მისი წასვლა. დღეს ჩვენ ვხედავთ აჭარის ლიდერის გადადგომას და წასვლას, მაგრამ არცერთ შემთხვევაში ჩვენ და მთელ ქართულ საზოგადოებას არ მიუღია ნორმალური, ჩამოყალიბებული არგუმენტაცია ამ გადაწყვეტილებებთან დაკავშირებით, რაც, რა თქმა უნდა, არც ქართული და არც საერთაშორისო საზოგადოებისთვის არ არის მისაღები და გასაგები“, - აღნიშნა ფიქრია ჩიხრაძემ.