აჭარის მთავრობის თავმჯდომარის შესაძლო გადადგომასთან დაკავშირებით კომენტარები საპარლამენტო უმცირესობის რიგებში კეთდება. „ევროპული საქართველოს“ წარმომადგენელი ზურაბ ჭიაბერაშვილი აცხადებს, რომ კადრების ცვლილებით ქვეყანა კრიზისიდან ვერ გამოვა:

„არათუ ქვეყნის განვითარების გეგმა არ აქვს, ისეთი არეულობა აქვს „ქართულ ოცნებას“, თვითონაც ვერ გარკვეულან ვინ, სად და როგორ უნდა გააგრძელოს მუშაობა. ეს კიდევ ერთხელ მიუთითებს, რომ ქვეყანაში არის არა მხოლოდ ეკონომიკური არამედ პოლიტიკური კრიზისი. ასე უბრალოდ კადრების ცვლილებით ქვეყანა ამ კრიზისიდან ვერ გამოვა და აუცილებელია, რომ მნიშვნელოვანი ცვლილება მოხდეს, ეს უნდა მოხდეს არჩევნებზე, სადაც ბიძინა ივანიშვილი უნდა შეიცვალოს“, – განაცხადა ჭიაბერაშვილმა.