საქართველოს ფინანსთა მინისტრის, ნიკოლოზ გაგუას განცხადებით, საქართველოში საპენსიო სააგენტო ივლისის თვეში უნდა შეიქმნას. გაგუას თქმით, სააგენტო ივლისში უნდა ამოქმედდეს, რაც საერთაშორისო სავალუტო ფონდთან შეთანხმებული პირობაა.

„საპენსიო სააგენტო ივლისში უნდა შეიქმნას. ეს სავალუტო ფონდთან შეთანხმებული პირობაა. ჩვენ ვვარაუდობთ, რომ საპენსიო სააგენტოს ამოქმედება ივლისში მოხდება, რომელიც მთავრობიდან იმ პროცესებს გადაიბარებს, რაც აღნიშნული სისტემის განვითარებისთვის არის საჭირო“, – განაცხადა გაგუამ.

შეგახსენებთ, რომ სააგენტოს შექმნის მიზანი დაგროვებითი საპენსიო სქემის ადმინისტრირება და მართვაა.