12 ტაილანდელი ფეხბურთელი, რომელთა ასაკი 11-დან 16 წლამდეა და მათი მწვრთნელი, რომლებიც 23 ივნისს ტაილანდისა და მიანმარის საზღვართან მდებარე მღივმეების კომპლექსში დაიკარგნენ 9 დღის შემდეგ გუშინ ცოცხლები იპოვეს, თუმცა წვიმების სეზონების გაგრძელების გამო მათ შესაძლოა გამოქვაბულში ყოფნა კიდევ რამდენიმე თვე მოუწიოთ.

დაკარგული საფეხბურთო გუნდის ძებნა 9 დღე გრძელდებოდა, ორშაბათს ისინი ბრიტანელმა მყვინთავებმა ჯონ ვოლანტენმა და რიკ სტანტონმა იპოვეს. ვოლანტენს თან ჰქონდა ვიდეოკამერა, რომელზეც შეხვედრის კადრები გადაიღო.

ცამეტივე ადამიანი ცოცხალი და დაუზიანებელია, თუმცა ძალიან დასუსტებული, რადგან მათ 9 დღუს გატარება სრულ სიბნელეში და საკვების გარეშე მოუწიათ. მათთვის საკვების მიწოდება ჯერ კიდევ ვერ მოხერხდა წყლის დონის მატების გამო.

სავარაუდოდ ბავშვების საკვებით მომარაგება რამდენიმე თვის განმავლობაში მოუწევთ, რადგან მათი მღვიმიდან გამოყვანა ჯერჯერობით ვერ მოხერხდება.

ახლა ხელისუფლება ცდილობს ისინი ელექტროენერგიისა და კომუნიკაციის საშუალებებით უზრუნველყონ, იმისთვის რომ მშობლებთან დაკავშირება შეძლონ.