კომისია არ არის ნინიას ბაღი და სკოლა - კაპანაძე შსს-ს წარმომადგენლებს

პოლიტიკა - 17:34, 03 Jul, 2018

933

პარლამენტის დროებითი საგამოძიებო კომისიას თბილისის დეტექტივების სამმართველოს უფროსი იოსებ სიგუა დღევანდელ სხდომას არ ესწრება.

კომისიის ხელმძღვანელმა აღნიშნა, რომ რამდენჯერმე დაუკავშირდნენ იოსებ სიგუას, თუმცა შსს-ს წარმომადგენელმა არც ტექსტურ შეტყობინებას უპასუხა, არც სატელეფონო ზარებს.

"დღეს, მთელი დღის განმავლობაში ვცდილობთ მასთან დაკავშირებას, ის ჩვენ სატელეფონო ზარებს არ პასუხობს, არც გაგზავნილ მოკლე ტექსტურ შეტყობინებებს პასუხობს და მისგან არ გვქონია არანაირი კომუნიკაცია, თუ რატომ არ არის დღეს ის აქ.

ბატონო შალვა როგორც ვიცით ის უშუალოდ თქვენ დაქვემდებარებაში ბრძანდება, ხომ არ გაქვთ ინფორმაცია, რატომ არ არის ბატონო იოსები დღეს აქ?"- მიმართა კაპანაძემ ბედოიძეს.

რაზეც შსს-ს წარმომადგენელმა უპასუხა, სიგუას მაღალი ტემპერატურა აქვს.

"გუშინაც ჰქონდა მაღალი ტემპერატურა, მაგრამ მაინც მოახერხა მოსვლა, ამ ეტაპზე ვერ შეძლო, გამოჯანმრთელების შემთხვევაში მობრძანდება"- უთხრა კომისიას შალვა ბედოიძემ.

"ეს არის უპატივცემულობა კომისიის მიმართ და კანონის დარღვევაა. ვიმსჯელებთ ამასთან დაკავშირებით თუ რას ნიშნავს ეს, უკაცრავად, მაგრამ, ეს არ არის ნინიას ბაღი და სკოლა, როცა უნდა მაშინ მოვიდეს და როცა უნდა საშიანო დავალება არ მოიტანოს“- თქვა ამის შემდეგ სერგი კაპანაზემ.