გავრცელებული ინფორმაციით, თბილისის პოლიციის დეტექტივების სამმართველოს უფროსმა იოსებ სიგუამ თანამდებობა დატოვა. სიგუა პარლამენტის დროებითი საგამოძიებო კომისიის სხდომაზე დღეს აღარ გამოცხადდა.

ელენე ხოშტარიას განცხადებით, სიგუა კითხვებზე პასუხებს ვერ გაექცევა:

„თუ ამ გზით სიგუა ან ნებისმიერი ოფიციალური პირი აპირებს, რომ თავი აარიდოს პასუხების გაცემას კითხვებზე, პირდაპირ შემიძლია გითხრათ, რომ მათ ეს არ გამოუვათ, ეს არის უპატივცემულობა და კანონდარღვევა, ზოგადად ვნახაეთ რა მდგომარეობაში ჩავარდა, ეს მისი პირადი პრობლემა კი არ არის, პრობლემა არის ის, რომ შინაგან საქმეთა სამინისტრო როგორც ჩანს გაეხვა ტყუილებში, გუშინ პირდაპირი ტყუილი გვითხრეს, რომ თურმე არ იცოდნენ მირზა სუბელიანი 24 იანვარს ვინ იყო, აუცილებლად დავკითხავთ მას ყველა შემთხვევაში, ვერ გაექცევა პასუხებს. საზოგადოებამ ტავად განსაჯოს, ჩვენ ვცადეთ გუშინ მაღალჩინოსანი, რომელიც უბრალოდ პასუხს ვერ სცემდა კითხვას იმიტომ, რომ პასუხი არ არსებობს, არა იმიტომ, რომ მას ამის უნარი არ აქვს, იმიტომ რომ პასუხები არის ტყული, შესაბამისად დღეს მისი არგამოჩენა ეჭვებს ბადებს“, - აცხადებს ელენე ხოშტარია.