„მუდმივი კონტაქტი გავქვს სარალიძესთან, სამწუხაროდ მან არ ისურვა დეტალებზე საუბარი“

„მუდმივი კონტაქტი გავქვს სარალიძესთან, სამწუხაროდ მან არ ისურვა დეტალებზე საუბარი“ - ნათია მეზვრიშვილი

პოლიტიკა - 12:37, 03 Jul, 2018

512

ზაზა სარალიძე შს სამინისტროს ეზოში პროტესტს განაგრძობს. აღნიშნულს შს მინისტრის მოადგილე ნათია მეზვრიშვილი გამოეხმაურა.

მეზვრიშვილის თქმით, სამინისტროს ზაზა სარალიძესთან მუდმივი კონტაქტი აქვს და უწყება შეუქმნის ყველანირ პირობას, რომ დაცული იქნას მისი ჯანმრთელობა და უსაფრთხოება პროტესტის მშვიდობიანად გამოხატვის ფარგლებში:

რაც შეეხება ბატონ ზაზა სარალიძეს, რომელიც შინაგან საქმეთა სამინისტროს ეზოში გამოხატავს პროტესტს, მშვიდობიანი ფორმით, აღნიშნული არის მისი გადაწყვეტილება, როგორც მოგეხსენებათ, ის საკუთარი ინიციატივით იმყოფება შინაგანს საქმეთა სამინისტროს ეზოში, მას შემდეგ რაც მისივე სურვილით შეხვედრა მხოდა ცენტრალური კრიმინალური პოლიციის დეპარტამენტის წარმომადგენლებთან და მას შემდეგ მან აღარ დატოვა შინაგან საქმეთა სამინისტროს შენობა, ჩვენი მხრიდან შექმნილია ყველა პირობა იმისთვის, რომ ბატონმა ზაზა სარალიძემ პროტესტი გამოხატოს სამინისტროს ეზოში მშვიდობიანი ფორმით, ჩვენ დავიცავთ როგორც მის ჯანმრთელობას, ასევე მის უსაფრთხოებას. ჩვენ მუდმივი კონტაქტი გავქვს ბატონ ზაზა სარალიძესთან, თუმცა სამწუხაროდ მან არ ისურვა დეტალებზე საუბარი. ჩვენ მას პერიოდულად ვაწვდით მიმდინარე გამოძიების შესახებ ინფორმაცაის“, - განაცხადა ნათია მეზვრიშვილმა.