"გაზონების მოსარწყავი წყალი ჩართეს, ჰგონიათ დავიშლებით..."- შსს-სთან ზაზა სარალიძის პროტესტს ზვიად კუპრავაც შეუერთდა (ვიდეო)

პოლიტიკა - 19:35, 02 Jul, 2018

3882

ზაზა სარალიძეს, რომელიც შინაგან საქმეთა სამინისტროსთან მჯდომარე აქციას მართავს, ზვიად კუპრავა და თანამოაზრეები შეუერთდნენ. კუპრავას თქმით, საზოგადოებამ თვალნათლივ დაინახა თუ ვინ არის ხორავას ქუჩაზე მომხდარ ტრაგედიაში და ამ დანაშაულის დაფარვაში დამნაშავე პირები, თუმცა სამართალდამცავი უწყებები შესაბამის ქმედებებს არ ახორციელებენ. კუპრავას შეფასებით ეს შვილმოკლული მამის და საზოგადოების დაცინვაა.

„სანამ ზაზა იჯდება აქ მეც ვიჯდები და ზაზაც მეგობრებიც იჯდებიან აქ. ძალიან ცუდია, რომ ასე იქცევიან და ამ ადამიანს იძულებულს ხდიან, რომ ხან შსს და ხან პროკურატურის ღობესთან ჩამოჯდეს. ყველამ ნახა, რომ ჩვენ მართლები ვიყავით და ჩვენი მოთხოვნები იყო სწორი. მიუხედავად ამისა მაინც იქცევიან დესტრუქციუილად და პასუხისგებაში არ აძლევენ დამნაშავე პირებს.“- განაცხადა ზვად კუპრავამ.

ადგილზე შეკრებილი ადამიანების თქმით,იმ ადგილზე სადაც ზაზა სარალიძე მჯდომარე აქციას აგრძელებ შსს-ს თანამშრომლებმა გაზონების მოსარწყავად წყალი ჩართეს.

ზაზა სარალიძის თქმით, მიუხედავად ყველაფრისა ის პროტესტს აგრძელებს და მისი უცვლელი მოთხოვნაა, რომ დაისაჯონ დამნაშავე პირები.