"სირაძე სუბელიანისგან დავალებული იყო, დაურეკა და უთხრა მიეხედა ფარდულისთვის"

პოლიტიკა - 15:43, 02 Jul, 2018

2817

ზვიად კუპრავა თბილისის პოლიციის დეპარტამენტის დეტექტივ-გამომძიებლის კახა სირაძისა და მთავარი პროკურატურის ყოფილი მაღალჩინოსანის, მირზა სუბელიანის კავშირზე საუბრობს.

"სამართალდამცვათა რეფორმირების ცენტრის" ხელმძღვანელი აცხადებს, რომ "ვანო მერაბიშვილის დაკავების შემდეგ, კახა სირაძემ მირზა სუბელიანის დახმარებით შეინარჩუნა სამსახური და მასთან ვალში იყო".

"ჩემთვის ცნობილი გახდა, რომ კახა სირაძე როდესაც მერაბიშვილი დაიჭრეს, თანამშრომლებთან და უახლოეს მეგობრებთან ერთად დაიბარეს გენერალურ ინსპექციაში, ვინაიდან მიაჩნდათ, რომ ეს პირები იყვნენ ვანო მერაბიშვილის გარემოცვა და მოსთხოვეს მათ „პატაკების“ დაწერა და სამსახურიდან წასვლა. მათ დაწერეს „პატაკები“ სამსახურიდან წასვლაზე, თუმცა თარიღი გენინსპექციის მოთხოვნით არ იყო დასმული, რის შემდეგაც კახა სირაძემ დაურეკა მის უახლოეს მეგობარს მირზა სუბელიანს და სთხოვა შუამდგომლობა, რათა მათ დახმარებოდნენ. კახა სირაძემ სთხოვა, რომ შუამდგომლობა გაეწია რათა ეს ადამიანები სამსახურიდან არ წასულიყვნენ. თავის მხრივ, სუბელიანმა გაუწია შუამდგომლობა და მათი ნაწილი, დატოვეს შსს-ს ორგანოებში, მათ შორის კახა სირაძე. ეს იყო მირზა სუბელიანის დამსახურება. მას შემდეგ რაც მოხდა ხორავას ქუჩაზე სისხლიანი ტრაგედია, სუბელიანი დაუკავშირდა კახა სირაძეს, რომელიც ვალში იყო მასთან და უთხრა, რომ ფარდულისთვის მიექცია ყურადღება“, -განაცხადა ზვიად კუპრავამ, რომელიც მოუწოდებს კომისიას ამოიღონ სუბელიანის და სირაძის სატელეფონო საუბრების სიხშირე 1-2 დეკემბერს.