"არაფერი გამოუვათ მაგ საწყლებს, მაგ დამპლებს"- თვდაცვის უწყების სკანდალში გახვეული დევრიშაძე დისკრედიტაციაზე საუბრობს

პოლიტიკა - 15:16, 02 Jul, 2018

1249

რუსეთის აგენტობისთვის გასამართლებული პეტრე დევრიშაძე "თავდაცვის სამინისტროს" სკანდალზე კომენტარს აკეთებს.

დევრიშაძის თქმით, მისსა და თავდაცვის მინისტრის წინააღმდეგ დისკრედიტაციის მცდელობას აქვს ადგილი.

„თავდაცვის სამინისტროს, მინისტრის დისკრედიტაცია უნდათ. არაფერი არ გამოუვათ მაგ საწყლებს, მაგ დამპლებს. ტენდერები ყველა მაქვს მოგებული. თან ეს ყველაფერი უკავშირდება ბოლო ტენდერს, რომელიც თავდაცვის სამინისტრომ გამოაცხადა 26 ათასი წყვილი მაღალყელიანი ფეხსაცმლის შესყიდვაზე. იქ მოიგო ჩემმა კომპანიამ. იმიტომ, რომ დავდე დაბალი ფასი. 230 ათასი ლარი დავაკელი, იმიტომ, რომ შემეძლო მაგ ფასად მიმეწოდებინა, დამრჩენოდა მოგება, მაგრამ კონკურენტებმა ეს ვეღარ აიტანეს, რომ პეტრე დევრიშაძეს მოეგო და რა გაეკეთებინათ? ქუჩაში ხომ არ დამხვდებიან და ხომ არ მესვრიან? სხვა შანსი არ აქვთ და ეს თემა დააკავშირეს. გადაუხადეს, ჟურნალისტს გიორგი მგელაძეს, სტუდია მონიტორის ჟურნალისტს ფული, დარწმუნებული ვარ ისე არ დაწერდა. ააგორეს, ააგორეს, ამას მიჰყვა "რუსთავი2" და გააპიარეს. გააკეთეს, ისე რომ ყველაზე მეტი ტენდერი ლევან იზორიას მოგებული მე მაქვს“- ამბობს პეტრე დევრიშაძე.