განათლებისა და მეცნირების მინისტრის მოადგილე თეიმურაზ მურღულია აცხადებს, რომ საგამოცდო ცენტრებისთვის სასწრაფოდ, პირდაპირი წესით იქნება შეძენილი მობილური და გადასატანი კონდიციონერები.

მისივე განცხადებით, პრემიერ-მინისტრისგან მიიღეს დავალება, ერთიანი ეროვნული გამოცდების ცენტრები გამოცდების პერიოდში ​კონდიციონერებით აღიჭურვოს.

ბახტაძის დავალების შესრულებას ორშაბათიდან დაიწყებენ. მისივე თქმით, შესაძლოა, 22-ვე საგამოცდო ცენტრის 800-ვე სექტორში კონდიცირების დამონტაჟება ვერ მოესწროს.

საქართველოს პრემიერ-მინისტრმა, მამუკა ბახტაძემ განაცხადა, რომ საგამოცდო ცენტრებში კონდიციონერების დამონტაჟება არის საკითხი, რომლის დაგეგმვაც უკეთ შეიძლებოდა. ამასთან, მოსალოდნელი მაღალი ტემპერატურის გამო, ერთიანი ეროვნული გამოცდების განრიგი შეიცვალა.