ზიმბაბველი კათოლიკე პასტორი ტიტო ვატსი და მისი ცოლი, რომლებიც „სამოთხეში მოსახვედრ ბილეთებს“ ყიდდნენ ადგილობრივმა პოლიციამ თაღლითობის ბრალდებით დააპატიმრა. ინფორმაციას Zimbabwe Today ავრცელებს.

მან ათასობით ადამიანს განუცხადა, რომ იესო ქრისტე გამოეცხადა და მას განსაკუთრებულად ცოდვილი ადამიანებისთვის „სუფთა ოქროსგან დამზადებული სამოთხის ბილეთები“ გადასცა.

პასტორი დანაშაულს არ აღიარებს და აცხადებს, რომ იგი პოლიციამ „ღმერთის საქმის კეთებისათვის“ დააპატიმრა.

აღსანიშნავია, რომ პასტორის დაპატიმრებამ მის მრევლში პროტესტი გამოიწვია. ისინი ტიტო ვატსის გატავისუფლებას ითხოვენ და აცხადებენ, რომ მათ საკუთარი ფული „სულის ხსნისთვის“ დახარჯეს.