კვირიკაშვილის პრემიერობისას დაწუნებული 7,5%-იანი ეკონომიკური ზრდა და ბახტაძის შეფასება

პოლიტიკა - 13:14, 29 Jun, 2018

1403

საქართველოს პრემიერ-მინიტრი, რომელიც ამ თანამდებობაზე ივნისის მეორე ნახევარიში აირჩიეს, მაისის თვეში დაფიქსირებულ ეკონომიკის 7.5 %-იან ზრდას მთავრობა სწორ ეკონომიკურ პოლიტიკას უკავშირებს. ამ დროს ხაზგასასმელია ის ფაქტი, რომ მისი წინამორბედის გიორგი კვირიკაშვილის გადადგომის მიზეზად მმართველი გუნდი სწორედ ეკონომიკის მძიმე მდგომარეობას და ეკონომიკური გუნდის არასათანადო მუშაობას ასახელებდა.

საქართველოს ეკონომიკურმა ზრდამ მაისში 7,5% მიაღწია, რაც არის იმის ნათელი დადასტურება, რომ მთავრობა სწორ ეკონომიკურ პოლიტიკას ატარებს, - ასე გამოეხმაურა საქართველოს პრემიერ-მინისტრი მამუკა ბახტაძე „საქსტატის" მიერ დღეს გამოქვეყნებულ ახალ მონაცემებს.

პრემიერ-მინისტრის შეფასებით, ეს არის იმის დადასტურება, განხორციელებული და დაანონსებული რეფორმები ქმნის ისეთ გარემოს, სადაც ეკონომიკური ზრდის ტემპები აუცილებლად დაჩქარებული იქნება.

„აქვე მინდა აღვნიშნო, რომ გაუმჯობესებულია ეკონომიკური ზრდის ხარისხობრივი ეფექტიც. პირველ რიგში მინდა შევეხო ექსპორტის ზრდას, რომელიც, ამავე პერიოდში წინა წლის ანალოგიურ პერიოდთან შედარებით, 50%-ით გაზრდილია, რაც ეკონომიკური ზრდის ერთ-ერთი მნიშვნელოვანი ხელშემწყობი ფაქტორი იყო", - განაცხადა მამუკა ბახტაძემ.