თურქული მედია ვარსკვლავური წყვილის მეზობლებთან კონფლიქტის შესახებ იუწყება, მიზეზი კი ავტოსადგომი გახდა, რომელიც მსხიობი წყვილის მანქანებს აქვთ სრულად დაკავებული.

Ntv.com.tr-ის ინფორმაციით, ბურაქ ოზჩივითს და ფაჰრიე ევჯენს მეზობლებთან კონფლიქტი ავტოპარკის გამო მოუვიდათ. მათ 6 ლუქს ავტომობილი ჰყავთ, ისინი მთელ ავტოსადგომს იკავებენ და მეზობლები ავტოსადგომით ვეღარ სარგებლობენ.

თურქული მედია წერს, რომ ოზჩივითმა კონფლიქტის მოგვარება მშვიდობიანი გზით გადაწყვიტა და ორი ავტომობილი გასაყიდად გამოიტანა, რომ ამგვარად ავტოსადგომზე ადგილი გაეთავისუფლებინა . თავად ოზჩივითმა CNN Türk-თან ინტერვიუში განაცხადა, რომ მეზობლებთან არანაირი კონფლიქტური სიტუაცია არ ქონია და არც ავტომობილების გაყიდვას არ აპირებს.