"ვინ ხართ თქვენ - ქალი, რომელიც მუშაობს იმისთვის რომ იცხოვროს, თუ ქალი, რომელიც ცხოვრობს იმისთვის რომ იმუშაოს?"

საზოგადოება - 21:02, 19 Aug, 2013

1199

ქალბატონი ფარლეი თავს მეორე კატეგორიას მიაკუთვნებს და საკუთარ ისტორიას უყვება მკითხველს:

"მე მწამს, რომ მსოფლიოში ქალები იყოფიან ორ ნაწილად, ერთნი, რომლებიც მუშაობენ იმისთვის რომ იცხოვრონ და წინასწარ გეგმავენ, თუ როგორ გაატარებენ საპენსიო ასაკს და ქალებად, რომლებიც ცხოვრობენ იმისთვის, რომ იმუშაონ. მე აშკარად მეორე კატეგორიას მივეკუთვნები:

არ მინახავს საქმიანი ქალი, რომელიც არ ოცნებობს, რომ ერთ მშვენიერ დღეს გაყიდის თავის ბიზნესს, მოდუნდება და დაისვენებს. ეს სურვილი ჩნდება მაშინ, როდესაც სამუშაო დღეებში 18 საათის განმავლობაშI გიწევს მუშაობა, ელექტრონულ ფოსტას და მესიჯებს შვებულების დროსაც კი ამოწმებ, კვირა დღეს სამუშაო მაგიდასთან ზიხარ, რომ მომავალი დაძაბული კვირის დღეის წესრიგი გაწერო.

მე და ჩემი მეუღლე დიდი სიამოვნებით ვუყურებდით მზის ჩასვლას ერთად, მას შემდეგ, რაც 2005-ში Green & Black's Cadbury's-ს მივყიდე და ვაპირებდი ცხოვრებას პროცენტებით.

მაგრამ მოხდა საინტერესო რამ, და ეს ბევრს ემართება, როდესაც დააპირებენ, რომ ახალი იახტით გაემგზავრონ ოკეანეში მზის ჩასვლის საყურებლად, უცებ ჩნდება სურვილი, რომ დაიკაპიწო ხელები და ყველაფერი თავიდან დაიწყო.

5 თვის განმავლობაში ვცდილობდი "პენსიაზე გასვლას", მაგრამ შევნიშნე, რომ არამარტო ჩემთვის იყო მოსაწყენი სახლში ჯდომა, არამედ მე თვითონ გავხდი მოსაწყენი ადამიანი. ერთადერთი საშუალება, რომ თავი ენერგიულ და ცოცხალ ადამიანად მეგრძნო, ისევ ბიზნესის ფეროში დაბრუნება იყო. და მეც ვცადე - შევიძინე მშობლიურ ქალაქ ჰასტინგში საცხობი, რომელიც სულს ღაფავდა და ვაქციე იგი წარემატებულ სასურსათო მაღაზიად" - ყვება საქმიანი ქალბატონი.

ქალბატონმა ფარლეიმ სხვა სფეროებშიც სცადა ბედი, იქაც წარმატებებს მიაღწია და დაამტკიცა, რომ მართლაც არის დაბადებული იმისთვის, რომ საქმე აკეთოს.

"ჩვენს საკმარისი დრო გვექნება დასვენებისთვის, როდესაც გარდავიცვლებით" - ამ ცნობილი ფრაზით გამოხატავს ჟოზეფინ ფარლეი თავის ცხოვრებისეულ კრედოს.