"მეცხრე არხის" დახურვასთან დაკავშირებით კომენტარი ლუბა ელიაშვილმაც გააკეთა:

"ის ამბავი, რომ არხი უნდა გაყიდულიყო, ყველამ იცოდა, ამას ამბობდა მისი მფლობელი პრესკონფერენციებზეც, ეს პროცესი მიდიოდა, შემდეგ კი აღმოჩნდა, რომ იმ მყიდველმა, რომლის იმედიც ჰქონდაც, უარი თქვა არხის შესყიდვაზე. რა საკვირველია ეს ამბავი არავის არ გახარებია, თუმცა ძალიან ბევრი მიზეზით ეს ამბავი არის გასაგები. მე იმედი მაქვს, რომ ეს გადაწყვეტილება აუცილებლად გამოადგება ქვეყნის დემოკრატიულ განვითარებას.", - განაცხადა ლუბა ელიაშვილმა.

"მაშ ასე, გემშვიდობებით, მე ოცი წლის ვიყავი, როცა ამ არხზე მუშაობა დავიწყე და დღეს მეორედ გემშვიდობებით, მადლობას ვუხდი არხის ხელმძღვანელობას, ჩემს კოლეგა ჟურნალისტებს, წამყვანებს, პროდუსერებს, ყველას ვინც ამ ეთერს ჩემთან ერთად დაასრულებს, მშვიდობიან ღამეს გისურვებთ, მადლობა, რომ გვიყურებთ", - "მეცხრე არხი" მაყურებელს წამყვანის, სოფო ჩაკვეტაძის ამ სიტყვებით დაემშვიდობა.