"თუ არ ითამაშებთ, ვერც მოიგებთ. ამიტომ, ითამაშეთ, რადგან მოგება ყველას შეუძლია!" - ეროვნული ლატარიის ყველაზე იღბლიანი გამარჯვებული

ბიზნესი & ეკონომიკა - 12:29, 27 Jun, 2018

1931

თინათინ აზალაძე საქართველოს ეროვნული ლატარიის ყველაზე იღბლიანი გამარჯვებულია.

მან ტირაჟიანი ,,ლოტო 6/36-ის’’ ბილეთი საყვარელი ადამიანების დაბადების დღეების რიცხვებით შეავსო და 79 172 ლარი მოიგო. რას ნიშნავს მისთვის ლატარიის თამაში და რა შეიცვალა მოგების შემდეგ მის ცხოვრებაში, ამის შესახებ თინათინ აზალაძის ბლიც-ინტერვიუდან შეიტყობთ.

- თინათინ, თქვენ ამ დროისთვის საქართველოს ეროვნული ლატარიის ყველაზე

მსხვილი გამარჯვებული ბრძანდებით, ხშირად თამაშობდით ლატარიას?

- ლატარიას ხშირად ვთამაშობ, განსაკუთრებით - სამშაბათობით. მინიმუმ 2 დაფას ვავსებ ხოლმე.

- თქვენი აზრით რამ განაპირობა თქვენი მოგება, იღბალმა თუ შემთხვევითობამ?

- ცხადია, იღბალმა, ბედნიერმა შემთხვევითობამ. უფრო მეტად კი - ღვთის წყალობამ.

- გჯეროდათ ასე შემთხვევით შეიძლებოდა ამხელა თანხის მოგება?

- მოგების ყოველთვის მჯერა, როდესაც ლატარიის ჯიხურთან მივდივარ. ბევრად უფრო ამბიციურ მოგებაზეც მიფიქრია.

- რა ემოცია დაგეუფლათ თქვენ და თქვენს ოჯახს, როდესაც ლოტოტრონმა თქვენს მიერ ბილეთში შემოხაზული ციფრები გამოავლინა?