საქართველოს დაზღვევის სახელმწიფო ზედამხედველობის სამსახურის 2018 წლის 1 კვარტლის მონაცემებით ალფა ავტოდაზღვევის კუთხით უპირობო ლიდერია. კომპანიამ აღნიშნული მიმართულებით სულ რაღაც 3 თვეში 82 600 პოლისი გააფორმა, მეორე ადგილზეა სადაზღვევო კომპანია ჯიპიაი - 75 909 პოლისით, ხოლო მესამეზე ალდაგი - 75 853 პოლისით. საქართველოში ავტოდაზღვევა ერთ-ერთი ყველაზე მნიშვნელოვანი სადაზღვევო მიმართულებაა. 32.6 მილიონი ლარის მოზიდული პრემიით აღნიშნული პროდუქტის წილი მთლიანი სადაზღევო ბაზრის 20%-ს შეადგენს.

ალფასთვის საცალო დაზღვევის განვითარება ერთ-ერთი ყველაზე მნიშვნელოვანი სტრატეგიული მიმართულებაა. კომპანიამ 2018 წლის 1 კვარტალში აღნიშნული მიმართულებით 63 088 პოლისი გააფორმა. ალფა აქტიურად ავითარებს საცალო ქონების, ავტოდაზღვევისა და ჯანმრთელობის დაზღვევის პროდუქტებს.

ალფა სადაზღვევო კომპანიებს შორის ყველაზე მზარდი კომპანიაა. 2018 წლის 1 კვარტალში კომპანიამ 8,7 მილიონი ლარის პრემია მოიზიდა და წინა წელთან შედარებით 75%-იანი ზრდა განიცადა.

ინფორმაციის წყარო: საქართველოს დაზღვევის სახელმწიფო ზედამხედველობის სამსახური http://insurance.gov.ge/Statistics.aspx