ხაშურის საკრებულომ შინაურ ცხოველებს შეჯვარება და გამრავლება შეუზღუდა

პოლიტიკა - 14:12, 26 Jun, 2018

6216

საქართველოს რამდენიმე ქალაქის საკრებულომ შინაური ცხოველების გამრავლებასთან დაკავშიებით გარკვეული შეზღუდვები დააწესა, დადგენილებაში, რომელიც ხაშურის საკრებულომ 5 ივნისს მიიღო ნათქვამია, რომ პოპულაციური კონტროლის მიზნით აკრძალულია 2 წლამდე და 6 წელს ზემოთ და წელიწადში ერთზე მეტად ცხოველების გამრავლება.

მეთერთმეტე მუხლში - ცხოველების მოშენება აღნიშნულია

1. ცხოველების მოშენება უნდა იყოს მიზნობრივი, გეგმაზომიერი და წინასწარგანსაზღვრული.

2. ყველა პირი, რომელიც ეწევა სელექციას ცხოველთა გამრავლების მიზნით, პასუხისმგებელია ცხოველისა და მისი კეთილდღეობის მახასიეთებლებზე, რათა რისკის ქვეშ არ დააყენოს ნაყარის ჯანმრთელობა და კეთილდღეობა.

3. აკრძალულია ცხოველების გამრავლება შემდეგი დაავადებების დაფიქსირების შემთხვევაში: დისპლაზია, გენერალიზებული დემოდეკოზი, იდეოპათიური ეპილეფსია, კრიპტოხიზმი, ლეიშმანიოზი-გენეტურისნეულებების, თანდაყოლილი ხარვეზებისა და პათოლოგიების მქონე გენეტიკურად არასრულფასოვანი, ასევე პოპულაციური კონტროლის მიზნით აკრძალულია 2 წლამდე და 6 წელს ზემოთ და წელიწადში ერთზე მეტად ცხოველების გამრავლება.

4. აკრძალულია სხვადასხვა სახეობის და სხვადასხვა ჯიშის ცხოველების შეჯვარება, ერთი სახეობისა და სხვადასხვა ჯიშის ცხოველების შეჯვარება დასაშვებია მხოლოდ სელექციურ წესებს დაქვემდებარებული ჯიშების შემთხვევაში.

ამგვარი დადგენილება ახალქალაქის საკრებულომ მიმდინარე წლის 14 ივნისს, ხაშურის საკრებულომ 5 ივნისს, ფოთის საკრებულომ 30 მაისს, წყალტუბოს საკრებულომ კი 25 მაისს დაამტკიცეს.