მექსიკაში, საზღვართან მდებარე ქალაქ სიუდად ხუარესში 14 ადამიანი მოკლეს, რომლებიც მსოფლიო ჩემპიონატზე მექსიკა-სამხრეთ კორეის თამაშს უყურებდა.

მკვლელობები ქალაქის სამ ადგილას მოხდა. ერთერთ სახლში რვა ადამიანი ფეხბურთის საყურებლად შეიკრიბა, რა დროსაც სახლში შეიარაღებული ადამიანები შეიჭრნენ და 6 მათგანი მოკლეს.

მეორე თავდასხმა ფეხბურთის საყურებლად სილამაზის სალონში შეკრებილ 5 კაცზე განხორციელდა, რომლის წინაც ავტომობილი შეჩერდა, საიდანაც გადმოვიდნენ შეიარაღებული პირები და ხუთივე კაცი მოკლეს.

ცოტა ხნით ადრე, ქალაქის გარეუბანში კიდევ სამი ადამიანი მოკლეს.