საქართველოს პარლამენტის თავმჯდომარე მთავრობის სტრუქტურული ცვლილებების შესახებ საუბრობს.

მისი ინფორმციით, მთავრობაში, 14 სამინისტროს ნაცვლად, 11 დარჩება, მინისტრის ჩათვლით.

ამასთან კობახიძე ამბობს, რომ გუნდში მთავრობის სტრუქტურულ რეორგანიზაციაზე მსჯელობისას სახელმწიფო მდივნის თანამდებობის შემოღებაზე საუბარი არ ყოფილა.

„ჩვენ გვქონდა ზოგადად დისკუსია, აქ არ იყო დისკუსია სახელმწიფო მდივანზე ან რაიმე კონკრეტულ თანამდებობაზე. აქ არ არის საუბარი რომელიმე რგოლის დამატებაზე, საუბარია იმაზე, რომ მსხვილი სამინისტროების პირობებში ხომ არ არის მიზანშეწონილი მეორე დონის - მინისტრის მოადგილის დონის გამოკვეთა და მათთვის კონკრეტული მიმართულებების განსაზღვრა. ეს იყო ზოგადი ინიციატივა, რომელზეც მსჯელობა გრძელდება. რაიმე დამატებითი რგოლის გაჩენაზე მთავრობის სტრუქტურაში საუბარი არ არის. საუბარია 14 მინისტრის მაგივრად, 11 მინისტრის არსებობაზე მთავრობაში, შესაბამისად, 13 სამინისტროს მაგივრად, იქნება 10 სამინისტრო. ეს არის ამ ეტაპზე შედეგი ჩვენი კონსულტაციების. კონსულტაციები გრძელდება,“ - განაცხადა კობახიძემ.