ხორავას ქუჩაზე მოკლული არასრულწლოვანის ლევან დადუნაშვილის დედას და ადვოკატს პარლამენტის საგამოძიებო კომისიის სხდომაზე კითხვა დაუსვეს, იყო თუ არა შემთხვევის ადგილზე სხვადახხვა პირი, სრულწლოვანების გარდა, რომელთაც შეუძლიათ კომისიას ღირებული ინფორმაცია მიაწოდონ.

„ასეთი სამი პირია გამოკვეთილი - გოცირიძე, დიანა ბოლოთაშვილი, ერთი პირია მამაკაცი, რომლის გვარიც არ ვიცი, სამწუხაროდ; წითელი მანქანის მეპატრონე. (ნიკოლოზ იორდანაშვილი). იმ ეზოში ოფისია, რომლის თანამშრომელიც არის ეს ბატონი და რომლის მანქანაც ეყენა ეზოში. მან ბრძანა, რომ, როცა კონფლიქტი დაიწყო, მაშინვე გამოვიდა ეზოდან, რომ ბავშვებს მანქანა არ დაეზიანებინათ, თუმცა პროცესზე დაკითხულმა ერთ-ერთა მოწმემ- გოცირიძემ რომელიც მე-5 სართულზე ცხოვრობს, თქვა, რომ დაინახა, ეს კაცი როგორ ჯდებოდა მანქანაში. ამ დროს დათო დაჭრილია და მოდის ეზოში - ვუყვიროდი, ბავშვია დაჭრილი, უშველე. დავინახე, რომ ეს კაცი ჩაჯდა მანქანაში და გავიდა ეზოდან, ვიდრე ეს ქალბატონი ჩამოვიდა ეზოში, წრე დაარტყა, ეს მანქანა უკვე არკის გამოსასვლელში იყო და ლევანი უკვე დაჭრილი დახვდა ამ ქალბატონს. შესაბამისად მას ეს ფაქტები უნდა დაენახა თუ თვალზე ხელი არ აიფარა.“- განაცხადა ადვოკატმა.

„ასევე, მაღაზიის დირექტორმა ციბაძემ დაადასტურა, რომ, როცა გამოვარდა დათოს მისახმარებლად, არკაში შესვლის დროს ხელს უშლიდა წითელი მანქანა, რომელიც გამოდიოდა და რომელსაც წინ ჩემი შვილი მოჰყვებოდა მარტო, დაჭრილი. მოდიოდა, რადგან ფეხზე იდგა, ჩავთვალე, რომ არაფერი სჭირდაო და შიგნით შევრბოდი რომ უკვე წაქცეულ დათოს მივხმარებოდი. მიშლიდა მანქანა, რომელიც გამოდიოდა არკიდანო.“ - თქვა დადუნაშვილის დედამ.