რამდენიმე დღის წინ, აშშ-მექსიკის საზღვარზე გადაღებულმა ფოტომ მსოფლიო შეძრა.

საზღვრის გადაკვეთის მცდელობისას, აშშ-ის მესაზღვრეებმა 2 წლის ჰონდურასელი გოგონა დედასთან ერთად დააკავეს, დედას დააშორეს და დროებით თავშესაფარში გადაიყვანეს.

ფოტო, სწორედ მაშინ არის გადაღებული, როდესაც სამართალდამცავება დედა წაიყვანეს და გოგონა მარტო დარჩა. აღნიშნული ფოტო Time-მაც გამოიყენა გარეკანზე წარწერით - "კეთილი იყოს თქვენი მობრძანება ამერიკაში."

გოგონას მამა, დენის ხავიერ ვარელა, რომელიც გემის კაპიტანია, "დეილი მეილთან" დუმილს არღვევს და ამბობს, რომ პარაეა დე­დას­თან ერ­თად იმ­ყო­ფე­ბა თავშესაფარში და თავს კარგად გრძნობს.

მისი თქმით, შესაბამისმა სამსახურებმა აცნობეს, რომ ბავშვი უკვე დედასთანაა.

ვარელას თქმით, ის ცოლის გადაწყვეტილებას არ ეთანხმებოდა, მაგრამ ცოლმა აშშ-ში ჩასვლა მაინც სცადა, სამუშაოს პოვნის მიზნით. როგორც გოგონას მამა ამბობს, დედამ შვილი ისე წაიყვანა, რომ ახლობლებისთვის არაფერი უთქვამს.

"როგორც მეგობრებმა მითხრეს, 6 000 დოლარი გადაუხადა ადამიანს, რომელიც საზღვარზე გადაყვანას დაჰპირდა. ვიცი, ეს მისთვის ძალიან რთული იქნებოდა" - ამბობს ვარელა.

2018 წლის აპრილის შუა რიცხვებიდან მაისის ბოლომდე აშშ-ის სასაზღვრო სამსახურებმა ასობით მიგრანტის ოჯახები ერთმანეთს დააშორა, რომლებიც აშშ-ის საზღავრის გადაკვეთისას დააკავეს.

რამდენიმე დღის წინ მელანია ტრამპმა განაცხადა, რომ „ძნელია იმის ყურება, როგორ აშორებენ არალეგალ ბავშვებს მშობლებს და ოჯახებს“.

21 ივნისს კი დონალდ ტრამპმა ხელი მოაწერა განკარგულებას, რომელიც კრძალავს მიგრანტების ოჯახის წევრთა დაშორებას საზღვარზე.