მიგრანტების დაცინვა თუ ქმრის კრიტიკა? - მელანია ტრამპის ქურთუკზე წარწერამ აჟიოტაჟი გამოიწვია (ფოტოები)

ეს საინტერესოა - 12:03, 22 Jun, 2018

2888

აშშ-ის პირველი ლედი მელანია ტრამპი ჩამცულობის გამო კვლავ საზოგადოების ყურადღების ცენტრში მოექცა, თუმცა ამჯერად საქმე უფრო რთულადაა.

მელანია ტრამპი ტეხასში, ტრამპის იმიგრაციის პოლიტიკის გამო, მშობლების გარეშე დარჩენილ ბავშვების დროებითი მოთავსების ცენტრში ჩავიდა "ზარას" 36- დოლარიანი ქურთუკით რომელსაც ზურგზე აწერია: "მე ნამდვილად არ მადარდებს, შენ?" (“I Really Don’t Care, Do U?”).
ფოტოების გავრცელებისთანავე, მელანია ტრამპი კრიტიკის ქარ-ცეცხლში გაეხვა ირონიული ჩაცმულობოს გამო. თუმცა, სოციალური ქსელების მომხარებლების ნაწილი თვლის, რომ პირველი ლედი ამით მიგრანტების მიმართ ქმრის, დონალდ ტრამპის პოლიტიკას აპროტესტებს , რომელიც მელანიამ რამდენიმე დღის წინ ღიად გააკრიტიკა.

2018 წლის აპრილის შუა რიცხვებიდან მაისის ბოლომდე აშშ-ის სასაზღვრო სამსახურებმა ასობით მიგრანტის ოჯახები ერთმანეთს დააშორა, რომლებიც აშშ-ის საზღავრის გადაკვეთისას დააკავეს.

რამდენიმე დღის წინ მელანია ტრამპმა განაცხადა, რომ „ძნელია იმის ყურება, როგორ აშორებენ არალეგალ ბავშვებს მშობლებს და ოჯახებს“.

21 ივნისს კი დონალდ ტრამპმა ხელი მოაწერა განკარგულებას, რომელიც კრძალავს მიგრანტების ოჯახის წევრთა დაშორებას საზღვარზე.