"ნაციონალური მოძრაობის" წევრი, სალომე სამადაშვილი არ გამორიცხავს, რომ რუსეთის საგარეო უწყების ოფიციალური წარმომადგენლის მარია ზახაროვას განცხადებას საქართველოში განხორციელებულ სამთავრობო ცვლილებებსაც უკავშირდებოდეს.

"ამ განცხადების გაკეთება შესაძლოა დავუკავშიროთ ამ სამთავრობო ცვლილებებსაც იმიტომ, რომ პრემიერ-მინისტრის უკანასკნელი ვიზიტი იყო ნუ დაგავიწყდებათ შეერთებულ შტატებში. რუსეთისთვის ყოველთვის ძალიან გამაღიზიანებელია, როდესაც ხედავენ ჩვენ სტრატეგიულ პარტნიორთან წარმატებული ურთიერთობების მაგალითი. შესაძლოა რუსეთს ჰქონდეს მოლოდინი რომ ეს სამთავრობო ცვლილებები მათთვის შეიძლება იყოს ხელსაყრელი,"-აცხადებს სალომე სამადაშვილი.

რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა, რომ რუსულ-ქართული ურთიერთობები ნელ-ნელა უმჯობესდება.