ნიკა რურუა: ჩემს მიერ რობერტ სტურუას გათავისუფლება სწორი ნაბიჯი იყო

საზოგადოება - 19:44, 18 Aug, 2013

1543

ნიკა რურუა ,,ფეისბუქის" გვერდზე კიდევ ერთხელ აკონკრეტებს მიერ მიერ რობერტ სტურუას რუსთაველის თეატრის სამხატვრო ხელმძღვანელის პოსტიდან გათავისუფლების მიზეზებს და აცხადებს, რომ ეს იყო მისი გადაწყვეტილება და არა პრეზიდენტ სააკაშვილის, რომელსაც დღესაც სწორ ნაბიჯად მიიჩნევს.

,,რადგან ეს პრესაში არაერთხელ განვაცხადე, მაგრამ ამ თემას ისევ და ისევ უბრუნდება ხოლმე ბატონი რობერტ სტურუა, უკანასკნელად ვეხმიანები მის განცხადებას რუსთაველის სახელმწიფო თეატრის სამხატვრო ხელმძღვანელის თანამდებობიდან მისი განთავისუფლების მიზეზებისა და ამ გადაწყვეტილების მიმღების ვინაობის თაობაზე - ბატონი სტურუა ეთნიკური კუთვნილების სალანძღავ ეპითეტად არაერთჯერადი საჯარო გამოყენებისათვის პირადად ჩემი საკუთარი გადაწყვეტილებით გავანთავისუფლე დაკავებული თანამდებობიდან.
პრეზიდენტი სააკაშვილი ამ ჩემი გადაწყვეტილების თაობაზე არც საქმის კურსში ჩამიყენებია და ეს გადაწყვეტილება, მით უმეტეს, მას არ მიუღია.

ჩემი გადაწყვეტილების მიზეზი, რომელიც არაერთხელ მითქვამს, იყო მკაფიო პოზიციის ჩვენება სახელმწიფოს მხრიდან საქართველოს მოქალაქე ეთნიკური უმცირესობებისათვის, რომ ისინი საკუთარ სამშობლოში მეორეხარისხოვანი ხალხი არ არიან. ეს იყო სამართლიანი და, ჩვენი სამშობლოს მრავალეთნიკური კომპოზიციიდან გამომდინარე, უსაფრხოების თვალსაზრისით გადადგმული სწორი ნაბიჯი - ეს მჯეროდა მაშინაც და მჯერა ახლაც", - წერს ნიკა რურუა.