„თეა წულუკიანს რა უნდა ეთქვა აბა, რომ არ წავალ და ვარ დაჭედებულიო?“

„თეა წულუკიანს რა უნდა ეთქვა აბა, რომ არ წავალ და ვარ დაჭედებულიო?“ - გია ვოლსკი

პოლიტიკა - 09:19, 20 Jun, 2018

1938

საპარლამენტო უმრავლესობის წევრი გია ვოლსკი უარყოფს ინფომრაციას იმის შესახებ, რომ თითქოს თეა წულუკიანმა მმართველი გუნდი დააშანტაჟა. როგორც ვოლსკიმ გადაცემა არჩევანში იუსიტიციის მინისტრის შეფასებისას განაცხადა, ასეთი ჭორები წულუკიანის დისკრედიტაციისთვის ვრცელდება.

„ძალიან ბავშვური გამომივა, რომ თქვენთან დედა დავიფიცო, მაგრამ საზოგადოებისთვის, ვინც მე მიცნობს, შემიძლია, ვთქვა დარწმუნებით, რომ არავითარი მაგდაგვარი თეა წულუკიანს, რომ გამწირავთ და გაგწირავთ, არათუ არ უთქვამს, საერთოდ არ შეესაბამება მის პიროვნებას ისევე, როგორც ბევრი ჩვენგანის პიროვნებას, უმეტესობას კი არა, ყველას. ეს არის ის ჭორი, რომელსაც კიდევ ერთხელ იყენებს გარკვეული პოლიტიკური ძალები, რათა ჩამოკიდოს, ჩრდილი მიაყენოს, დისკრედიტაცია გაუკეთოს არა მარტო გუნდს, არამედ კონკრეტული პიროვნებები არის ამორჩეული, ისევ როგორც ვთქვათ, ეკა ბესელიაზე წერს ყოველ წუთში თქვენი ხელმძღვანელი,“ - განაცხადა გიორგი ვოლსკიმ.

ვოლსკის თქმით, თეა წულუკიანს ეთანხმება, რომ ქვეყანას ძლიერი ოპოზიცია სჭირდება.

„თეა წულუკიანს რა უნდა ეთქვა აბა, რომ მე აქ გამაგრებული ვარ და არც წავალ და არც შემცვლიან და ვარ დაჭედებული, თუ რას იტყოდა. თეა წულუკიანმა თქვა ის, რაც ღირსეულ ადამიანს უნდა ეთქვა, რომ თუკი გადაწყვეტს პრემიერმინისტრი წასვლას, წავალ და რასაკვირველია, ქართული ოცნების პოზიციაზე დავრჩები იმიტომ, რომ პოზიცია მაქვს ასეთი,“ - განაცხადა ვოლსკიმ.