ევროპული საქართველოს ლიდერმა გიგა ბოკერიამ პრემიერობის კანდიდატს მამუკა ბახტაძეს პარლამენტში მოსმენის დროს შეკითხვა დაუსვა, როგორ მოიქცეოდა იმ შემთხვევაში თუ ბიძინა ივანიშვილი გადადგომას მოთხოვდა.

„სულ ცოტა ხანში, ზეგ ან მაზეგ, ან ერთ წელიწადში ბატონი ივანიშვილი რომ მოვიდეს თქვენთან და გითხრათ, რომ ხვალ თქვენ უნდა გადადგეთ, როგორ მოიქცევით?“- მიმართა ბოკერიამ ბახტაძეს.

საპარლამენტო უმცირესობის წევრის კითხვის საპასუხოდ მამუკა ბახტაძემ გაანცხადა, რომ ასეთი ტიპის გადაწყვეტილებებს გუნდი იღებს და არა პერსონალურად, ბიძინა ივანიშვილი ან ვინმეს სხვა:

„ასეთი ტიპის გადაწყვეტილებებს ღებულობს გუნდი და არა პერსონალურად, ბიძინა ივანიშვილი ან ვინმეს სხვა,“ - განაცხადა მამუკა ბახტაძემ.