2012 წელს ენმ-თვის საარჩევნო კამპანიის დასაფინანსებლად 20 ათასი ლარის გადარიცხვასთან დაკავშირებით პრემიერმინისტრობის კანდიდატმა მამუკა ბახტაძემ ოპოზიციის შეკითხვებს უპასუხა და რომ თანხა მხოლოდ და მხოლოდ ტექნიკური მიზეზების გამო გადაირიცხა მისი პირადი ანგარიშიდან.

ბახტაძის განმარტებით , ის 2011 წლიდან ქართული ოცნების მხარდამჭერია.

„რაც შეეხება ჩემ მიერ გადარიცხულ თანხას, როგორც თქვენ აღნიშნეთ, 2012 წლის აგვისტოში, თქვენ თუ გაინტერესებთ ის, რომ რამდენად მე გადავრიცხე ჩემი თანხა ენმ-ის მხარდასაჭერად, მე ამაზე მაქვს ძალიან მარტივი და პირდაპირი პასუხი - არა, მე ჩემი თანხა არასდროს არ გადამირიცხავს ენმ-თვის. თქვენ 2012 წელს იმიტომ, რომ არ ჰქონოდა საშუალება ქართულ ოცნებას, დაეფინანსებინა პარტია ადეკვატურად, შეცვალეთ კანონი და იურიდიულ პირებს აუკრძალეთ პარტიების დაფინანსება. ამას მოჰყვა შემდეგ უკვე ცვლილება კანონში „საბანკო საქმიანობის შესახებ“. ესაც ყველას გვახსოვს. აქედან გამომდინარე, ჩემი პირადი ფიზიკური ანგარიში იქნა გამოყენებული მხოლოდ ტექნიკურად.“ - განაცხადა მამუკა ბახტაძემ.