„აღდგენის სანაცვლოდ, 65 ათასი ლარი შემომთავაზეს...“ - თამაზ ახობაძის ბრალდება თეა წულუკიანს

პოლიტიკა - 15:28, 19 Jun, 2018

2429

საქართველოს უმაღლეს საკანონმდებლო ორგანოში მინისტრობის კანდიდატებს უსმენენ. კრიტიკის ადრესატი გახდა იუსტიციის მინისტრობის კანდიდატი თეა წულუკიანი, რომელიც საპარლამენტო უმრავლესობისგან ნდობის მანდატის მიღებას ცდილობს.

თეა წულუკიანის მისამართით კრიტიკული კითხვები მხოლოდ დეპუტატებს არ ჰქონიათ. ცოტა ხნის წინ დარბაზიდან მანდატურებმა ანა სუბელიანი და თამაზ ახობაძე გაიყვანეს.

კომიტეტების გაერთიანებული სხდომა სამი საათის განმავლობაში მშვიდად მიმდინარეობდა და მას შემდეგ დაიძაბა, რაც ტეა წულუკიანმა კითხვებზე პასუხის გაცემა დაიწყო. ანა სუბელიანი და თამაზ ახობაძე იწყებდნენ კომიტეტზე დასწრების უფლებას, მათ კითხვები ჰქონდათ თეა წულუკიანტან და გიორგი გახარიასთან, მაგრამ მათ დღეს შეკიტხვების დასმის უფლება არ მიეცათ, ვინაიდან ეკა ბესელიამ განაცხადა, რომ ფორმატი აღნიშნულს არ მოიცავდა.

ელენე ხოშტარიამ თეა წულუკიანს ჰკითხა თუ რატომ მოხდა იუსტიციის სამინისტროდან სუბელიანისა და ხობაძის დათხოვნა. მოგვიანებით კი მას შემდეგ, რაც სამივე ინსტანციის სასამართლო მათ მოიგეს, რატომ არ მოხდა მათი აღდგენა სამსახურებში.

თეა წულუკიანმა კი საპასუხოდ განაცხადა, რომ ანა სუბელიანმა და თამაზ ახობაძემ ფულით ვაჭრობა დაიწყეს.

აღნიშნულს სამოქალაქო ატივისტების მხრიდან პროტესტი მოჰყვა და ისინი დარბაზიდან მანდატურებმა გაიყვანეს:

„ფულზე ვაჭრობა თამაზ ახობაძეს არასდროს დაუწყია, თამაზ ახობაძე თანახმა იყო ვერაღდგენის შემთხვევაში ოფიციალური ბოდიშიც კი მიეღო, ბოდიშის მოხდაც კი არ უნდა იუსტიციის სამინისტროს იმის ნაცვლად, რომ ოთხი წელი მაწვალა იმისათვის, რომ ჩემი უფლებები აღმედგინა, რა თქმა უნდა გარიგების შემთხვევაში იყო მათი წინადადება, რომელზეც ჩვენ არ დავთანხმდით, მე იუსტიციის სამინისტროს დანაშაულის პრევენციის ცენტრმა შემომთავაზა 65 ათასი ლარი, ნაცვლად იმისა, რომ უარი მეთქვა აღდგენაზე, რაზეც არ დავთანხმდი, სასამართლოს გადაწყვეტილება არ არის აღსრულებული, თუ არ აღსრულდება, მნიშვნელობა არ აქვს მე რა მოვიგე და რა წავაგე“, - განაცხადა ახობაძემ.