"სასამართლო განხილვების პროცესში ბევრი დამატებითი ახალი ფაქტორი გამოვლინდა" - გახარია ხორავას ქუჩაზე მომხდარ მკვლელობაზე

პოლიტიკა - 15:00, 19 Jun, 2018

1467

შინაგან საქმეთა მინისტრობის კანდიდატმა გიორგი გახარიამ, გაერთიანებული კომიტეტების სხდომაზე ირმა ნადირაშვილის კითხვას ხორავას ქუჩის საქმეზე მიმდინარე გამოძიების შესახებ უპასუხა.

მისი თქმით, გამოძიება მუშაობს და არცერთ მიმართულებას არ გამოვრიცხავთ.

,,პარლამენტში შექმნილი კომისიის ფარგლებში უფრო დეტალურად ვისაუბრებთ ამაზე, სწორედ აქედან გამომდინარე, არ გამიკეთებია კომენტარები ამ თემასთან დაკავშირებით, თუმცა მიმდინარეობს გამოძიება ძალზედ აქტიურად და ხაზგასმით მინდა აღვინიშნო რომ გამოძიება არ გამორიცხავს არც ერთ მიმართულებას. ჩვენ ვმუშაობთ ყველა მიმართულებით და აბსოლუტურად ტრანსპარენტულად, შესაბამისად ყველა ის შედეგი რომელიც დადგება ამ გამოძიების ფარგლებში იქნება ღია, სამართლიანი და მას ასევე ტრანსპარენტულად გაეცნობა ყველა ჩვენი მოქალაქე. ხაზგასმით მინდა კიდევ ერთხელ აღვნიშნო, რომ არც ერთ მიმართულებას არ გამოვრიცხავ, რამეთუ სასამართლო განხილვების პროცესში ბევრი დამატებითი ახალი ფაქტორი გამოვლინდა, სწორედ ამიტომ იყო პირველი გამოძიების შემდგომ გამოყოფილი ცალკე ორი საქმე რამეთუ გვესმოდა, რომ ეს იყო არასრულწლოვნების საქმე და იქ იყო გარკვეული შეზღუდვები და გარკვეული დამატებითი ინფორმაციები შესაძლებელი იყო გამოჩენილიყო სასამართლო პროცესების განმავლობაში" - განაცხადა გიორგი გახარიამ.