მოზარდების მკვლელეობა ხორავას ქუჩაზე - სახალხო დამცველმა მკვლელეობის საგამოძიებო მასალების შესწავლა დაასრულა. განცხადება აღნიშნულის შესახებ თავად ნინო ლომჯარიამ გააკეთა. ომბუდსმენის განცხადებით, სავარუდოდ რამდენიმე დღეში შეფასებითი ნაწილიც იქნება მზად:

"ჩვენ დავასრულეთ საგამოძიებო მასალების შესწავლა. დღეს მდგომარეობით ჩვენ ვსწავლობთ სასამართლოს მასალებს და ალბათ, უახლოეს დღეებში გვექნება შეფასება იმიტომ, რომ თვითონ სასამართლო პროცესზე კიდევ სხვა პროცესები განვითარდა, რამაც დამატებითი გარემოებები გამოავლინა და ალბათ, ბოლო ეტაპი იქნება მიმდინარე გამოძიების მასალების შესწავლა. ასე რომ მზად ვართ საგამოძიებო კომისიის ფარგლებშიც მივიღოთ მონაწილეობა და ყველანაირად დავეხმაროთ ამ კომისიას, რომ სწორი მიმართულებით წარიმართოს გამოძიება. მათ შორის ვთანამშრომლობთ შსს-სთან და ვაწვდით ჩვენ ხელთ არსებულ ყველა ინფორმაციას იმ საეჭვო გარემოებების შესახებ, რასაც ვხედავთ გამოძიების პროცესში,"-განაცხადა ომბუდსმენმა.