საქართველოს პარლამენტის თავმჯდომარის პირველი მოადგილე, თამარ ჩუგოშვილი აცხადებს, რომ სამინისტროების ოპტიმიზაცია ნაჩქარევად არ უნდა მოხდეს და მას წინ კარგი ანალიზი უნდა უსწრებდეს. ჩუგოშვილმა აღნიშნული განცხადება, ჟურნალისტებთან საუბრისას გააკეთა:

„არსებული სამინისტროების ფარგლებში ოპტიმიზაციის ორი გზა არსებობს, ან უწყებები უნდა გავაერთიანოთ, ან შიგნით გავაკეთოთ ოპტიმიზაცია. მთავარია, წინ უსწრებდეს კარგი ანალიზი, რაც წინა შემთხვევაში ცოტა დაგვაკლდა. პრინციპში, ამაზე ოპოზიციაც აქტიურად აკეთებდა აქცენტს. მნიშვნელოვანია, რომ სწორად გავიაზროთ, სად არის გადაჭარბებით არსებული ადამიანური რესურსი, თუ ბიუროკრატია. სწორედ იმ ადგილებს უნდა ვუპასუხოთ და არა ნაჩქარევად გავაკეთოთ ოპტიმიზაცია“,-განაცხადა ჩუგოშვილმა.