ერთიანი ნაციონალური მოძრაობის ლიდერი ზურაბ მელიქიშვილი "ქართულ ოცნებას" და პირადად ირაკლი კობახიძესა და თამარ ჩუგოშვილს მოუწოდებს ხელი აიღონ ძალადობისგან და ხვალ ოზურგეთში აქციას აანონსებს.

"მოუგზავნეს ჩვენს დეპუტატებს ზეწოლისთვის ადამიანები, რომლებიც პირდაპირ ეუბნებოდნენ - ან სამართლებრივ დავას შეწყვიტავ, ან არადა ძალიან ცუდად დაამთავრებ. თან სამართლებრივი დავის შეწყვეტისას, პირდებოდნენ, რომ ბესო ქათამაძეს ხელს გავარტყმევინებთ თავდამსხმელებზეო. მინდა მივმართო ქართულ ოცნებას, მათ შორის პირველ რიგში ირაკლი კობახიძეს და თამარ ჩუგოშვილს, რომლებიც ერთგვარ ფასადურ როლს ასრულებენ ამ ხელისუფლებაში, რომ ხელი აიღონ ძალადობისგან, წინააღმდეგ შემთხვევაში ეს ძალიან ცუდად დამთავრდება," - აცხადებს ენმ-ს ერთერთი ლიდერი ზურაბ მელიქიშვილი.