გუბერნატორი "ქუჩურ გარჩევას" გვთავაზობს - ენმ-ს ოზურგეთის რაიონული ორგანიზაციის თავმჯდომარე

პოლიტიკა - 12:31, 17 Jun, 2018

1299

ოზურგეთის საკრებულოს ენმ-ს წევრის ბესო ქათამაძის ცემის ფაქტთან დაკავშირებით „ნაციონალურ მოძრაობაში“ აცხადებენ, რომ ხელისუფლებამ მათთან ულტიმატუმის ენით საუბარი დაიწყო. ენმ-ს ოზურგეთის რაიონული ორგანიზაციის თავმჯდომარე დავით მჟავანაძემ აცხადებს, რომ მათთან იმყოფებოდა გურიის გუბერნატორის ახლო მეგობარი და გუბერნიის თანამშრომელი ნესტონ რამიშვილი, რომელმაც მოუწოდა მათ მომხდარ ინციდენტზე შეწყვიტონ სამართლებრივი დავა და სანაცვლოდ ქუჩური გარჩევა შესთავაზა.

„ნაცვლად იმისა, რომ ხელისუფლება დაინტერესდეს რეალური დამნაშავეების დასჯით, ისინი გადავიდნენ ულტიმატუმზე და ულტიმატუმს არც მეტი არც ნაკლები, გუშინ მიყენებდა გუბერნატორის უახლოესი მეგობარი და მისივე თანამშრომელი ნესტორ რამიშვილი. რომელმაც წამომიყენა ასე ვთქვათ ორი ულტიმატუმი. ერთი, ან უნდა დავთანხმებოდით ჩვენ ამ პროცესების ქუჩაში გადმოტანას და ქუჩურ გარჩევებს, სადაც იღებდნენ ვალდებულებას რომ არც ერთი დამნაშავე ხელს არ შემოუბრუნებდა და სანაცვლოდ ბესო ქათამაძეს მიეცემოდა ფიზიკური ანგარიშსწორების საშუალება. თუ ამას არ დავთანხმდებოდით ისინი დაგვანახებდნენ რა იყო რეალური ძალა,“-განაცხადა დავით მჟავანაძემ.

ენმ ხვალიდან საპროტესტო აქციებს აანონსებს.

ამ ინციდენტთან დაკავშირებვით არასამთავრობო ორგანიზაცია "სამართლიანი არჩევნები" ხელისუფლებას სამართლიან და ადეკვატურ რეაგირებისკენ მოუწოდებს. ორგანიზაციაში აცხადებენ, რომ ამ საკითხზე ხელისუფლების წარმომადგენლების მხრიდან ბუნდოვანმა განცხადებებმა, შესაძლოა ძალადობის წახალისება გამოიწვიოს.