მოსკოვის ცენტრში ტაქსი, რომლის მძღოლმაც საჭე ვერ დაიმორჩილა, ქვეითად მოსიარულე ხალხში შევარდა. დაშავებულია 8 ადამიანი.

პოლიციის ცნობით, ტაქსის მძღოლი 28 წლისაა და ის მანქანას ყირგიზეთის მიერ გაცემული მოწმობით მართავდა . მძღოლი დაკავებულია და მიმდინარეობს გამოძიება. გავრცელებული ინფორმაციით მძღოლი ნასვამ მდგომარეობაში იყო.

ინცინდენტი მოხდა ტურისტებით ყველაზე უფრო გადატვირთულ ადგილზე, მოსკოვის წითელ მოედნის მახლობლად, უცხოური მედიის ინფორმაციით დაშავებულთა შორის არიან მექსიკის მოქალაქეები, რომლებიც რუსეთში ფეხბურთის მსოფლიო ჩემპიონატზე თავისი გუნდის საგულშემატკივროდ ჩავიდნენ.

შეგახსენებთ, ეს ინციდენტი მოხდა იმ პერიოდში, როდესაც რუსეთში ფეხბურთის მსოფლიო ჩემპიონატი მიმდინარეობს, რომელსაც რუსეთის 11 ქალაქი, მათ შორის მოსკოვი მასპინძლობს და ქვეყანაში ტერორისტული საფრთხის თავიდან აცილების მიზნით, უსაფრთხოების განსაკუთრებული ზომებია მიღებული.