„ოცნება“ მთავარი პროკურატურის კანდიდატურას ვერ არჩევს - მმართველ გუნდში ახალ სკანდალს ელოდებიან

პოლიტიკა - 15:37, 16 Jun, 2018

4054

მმართველ უმრავლესობას მთავარი პროკურორის კანდიდატურა ამ წუთამდე არ შეურჩევია. მართალია, კულუარებში შოთაძის შემცვლელად სხვადასხვა კანდიდატურა დასახელდა, მათ შორის, შს ყოფილი მინისტრი კობა ნარჩემაშვილიც, რომელიც ამჟამად „ოცნების“ უმრავლესობის წევრია, მაგრამ „ნიუპოსტის“ ინფორმაციით, „ქართული ოცნებაში“ სერიოზული აზრთა სხვადასხვაობაა. შესაბამისად, ჯერ კიდევ არ არის გადაწყვეტილი, თუ ვის წარადგენს „ოცნება“ მთავარ პროკურორად.ამასთან, როგორც „ნიუპოსტისთვის“ ხდება ცნობილი, მთავარი პროკურორის პოსტი შესაძლოა, „ოცნებაში“ ახალი შიდა დაპირისპირებისა და განხეთქილების საბაბი გახდეს.შეგახსენებთ, მთავარი პროკურორის თანამდებობა 31 მაისიდან ვაკანტურია. ირაკლი შოთაძემ თანამდებობა მას მერე დატოვა, რაც სასამართლომ ხორავას ქუჩაზე მომხდარი მკვლელობის საქმეზე განაჩენი გამოაცხადა და განაჩენით უკმაყოფილო ზაზა სარალიძე და მისი მხარდამჭერები მთავარ პროკურატურასთან შეიკრიბნენ. ისინი შოთაძის გადადგომას ითხოვდნენ. მას შემდეგ, რაც შოთაძემ თანამდებობა დატოვა, სოციალურ ქსელში ამ ფაქტს იუსტიციის მინისტრმა „ნეგატიური გადაწყვეტილება“ უწოდა.