დეპუტატებისთვის უფლებამოსილების შეჩერება და პასუხისგებაში მიცემა

დეპუტატებისთვის უფლებამოსილების შეჩერება და პასუხისგებაში მიცემა - ხელისუფლებას 48 საათიანი ვადა მისცეს

პოლიტიკა - 08:00, 16 Jun, 2018

1602

ოზურგეთში პოლიციის წინ მიმდინარე აქცია შეწყდა. პარტიის ლიდერებმა ხელისუფლებას 48 საათი მისცეს ვადა იმისთვის, რომ დეპუტატის ცემაში ბრალდებული ყველა დეპუტატი მიეცეს პასუხისგებაში და შეუჩერდეთ დეპუტატის უფლებამოსილება.

როგორც აქციაზე გაჟღერდა, თუ ხელისუფლება მათ ამ მოთხოვნეს არ დააკმაყოფილებს, ორშაბათიდან აქციები გაგრძელდება და ის უფრო მასშტაბურ ხასიათს მიიღესბ.

შსს-ს მიერ გავრცელებული ინფორმაციით, დეპუტატის ცემაზე ბრალი ამ ეტაპზე მხოლოდ საკრებულოს ფრაქცია "ქართული ოცნების" თავმჯდომარეს, ტარიელ აროშიძეს წარედგინა.

დავით მჟავანაძის განცხადებით, ის ოფიციალურად მიმართავს საკრებულოს თავმჯდომარეს წერილით, რომ ბესო ქათამაძის თავდასხმაში მონაწილე ყველა დეპუტატს უფლებამოსილება შეუჩერდეს.

ცნობისთვის, გუშინ პარტია "ქართული ოცნების" რამდენიმე დეპუტატმა ენმ-ის წევრი, ბესო ქათამაძე მოტყუებით დაიბარეს საკრებულოს დარბაზში, სადაც მას ფიზიკურად გაუსწორდნენ. კოლეგას თავში ბლაგვი საგანი გელა აროშიძემ ჩაარტყა, დანარჩენებმა კი გონებადაკარგულს სცემეს.

ქათამაძეს თავზე სამი ჭრილობა აქვს და ის ამ დრომდე რჩება ოზურგეთის სამედიცინო ცენტრში