„ქართულმა ოცნებამ“ მამუკა ბახტაძე პრემიერ-მინისტრის კანდიდატად ოფიციალურად რამდენიმე წუთის წინ წარადგინა. აღნიშნულს მმართველი გუნდის წარმომადგენელი, ზაქარია ქუცნაშვილი აფასებს:

„ბუნებრივია, მას არ აქვს მთავრობაში მუშაობის დიდი გამოცდილება, ბუნებრივია ტამდენიმე თვის მინისტრია, თუმცა, ამ რამდენიმეთვიანი მუშაობის განმავლობაშ, კარგი თანამშრომელი იყო როგორც ფინანსთა სამინისტროს შიგნით, ასევე კარგი თანამშრომელი იყო მთავრობაში, პარლამენტთან ურთიერთობისას ანუ ამ ადამიანს კომუნიკაცია არ უჭირს, რა თქმა უნდა ვერ ვიტყვით, რომ ის არის ძალიან გამოცდილი, იმიტომ, რომ სულ რამდენიმე თვე იმუშავა მთავრობაში, მაგრამ იქნებ სწორედაც, რომ სიახლეა საჭირო, იქნებ სწორედაც რომ ისეთი ადამიანებია დღეს საჭირო მამუკას სახით, რომელიც თავისუფალია ამ წარსული კლიშეებისგან და რაც მთავარია განწყობილია რეფორმატორულად“, - განაცხადა ზაქარია ქუცნაშვილმა.