საქართველოს იუსტიციის მინისტრის მოვალეობის შემსრულებელი თეა წულუკიანი მისი თანამდებობიდან გადადგომის შესახებ კომენტარს აკეთებს და აცხადებს, რომ ის რჩება „ართული ოცნების“ გუნდურ მოთამაშედ.

წულუკიანი სამთავრობო ცვლილებებსაც ეხმაურება:

„მე არ შეიძლება ვიცოდე, ვინ იქნება მომავალში პრემიერ-მინისტრი. ის კანდიდატი, რომელიც ჯერ არ დასახელებულა, როგორ დააკომპლექტებს კაბინეტს. ამას აქვს თავისი პროცედურა. ასევე, წინასწარი ინფორმაციებიც არ მაქვს. კარგი იქნება, თუ ჩვენ ყველანი, მათ შორის საქართველოს პრეზიდენტიც, მშვიდად შევხვდებით იმას, რომ ეს არის პროცედურა. ქვეყანას მართავს „ქართული ოცნების“ მმართველი პარტია და პრემიერისა და მინისტრის ცვლილებით არ იცვლება პოლიტიკური კურსი არც შიგნით და არც ქვეყნის გარეთ“, – განაცხადა თეა წულუკიანმა.