გიორგი ონიანი პროკურატურას არატანმიმდევრულობაში ადანაშაულებს. "ძალიან არათანმიმდევრულები არიან. საკმაოდ დიდ აფსურდში შევიდნენ და არ ვიცი ამ ჩიხიდან გამოსავალს როგორ იპოვიან. თუ ვინმეს გულგრილობაზეა საუბარი, პირველ რიგში ეს ჩანს, სოზარ სუბარის მხრიდან ლევან კორტავას საქმესთან დაკავშირებით, როცა წამებით მოკლეს ეს ადამიანი და იმავე დღეს გამოდის სასჯელაღსრულების მინისტრი და აცხადებს, რომ თურმე კიბიდან დაგორდა.

არის ისეთი მიდგომა, რომ დღევანდელი თანამდებობის პირების მიმართ კითხვები არ ჩნდება, გამოძიებები არ იწყება და იძიებენ იმას, რომ თურმე 5-6 წლის წინ ბაჩო ახალაია გულგრილად მოეკიდა რაღაცას და გამოეპარა ის ფაქტი, რომ თურმე რომელიღაც ციხის უფროსმა რომელიღაც პატიმარს ხელი გაარტყა", - აცხადებს გიორგი ონიანი.